Աշխարհի առաջին ատոմակայանի հայրենիքում կստեղծվի միջուկային և հարակից տեխնոլոգիաների միջազգային գիտակրթական կենտրոնը՝ «Օբնինսկ Տեխ»-ը։ Այն դարձել է Ռոսատոմի աջակցությամբ սեպտեմբերի վերջին կայացած Obninsk New միջազգային երիտասարդական միջուկային ֆորումի գլխավոր թեման։
Կենտրոնի մասին
Կենտրոնի ստեղծմանը հավանություն է տվել ՌԴ նախագահ Վլադիմիր Պուտինը օգոստոսին Ռոսատոմի գլխավոր տնօրենի հետ հանդիպման ժամանակ։ «Վստահ եմ, որ այն դառնալու է առաջատար կլաստեր, ձգողության կետ ամբողջ աշխարհի շնորհալի երիտասարդների համար: Այն կօգնի պատրաստել տնտեսության ոլորտներում և պետկորպորացիաներում պահանջված բարձրակարգ մասնագետներ։ Թույլ կտա ապահովել Ռուսաստանի տեխնոլոգիական ինքնիշխանությունը գիտական միջուկային նոր զարգացումների ոլորտում»,- ֆորումի մասնակիցներին ուղղված ողջույնի խոսքում նշել է ՌԴ վարչապետ Միխայիլ Միշուստինը։
Ակնկալվում է, որ կենտրոնը կգործարկվի մինչև 2030 թվականը: Այն կպատրաստի մասնագետներ այնպիսի ոլորտներում, ինչպիսիք են միջուկային վառելիքի ցիկլի եզրափակումը, միջուկային էներգիայի չորրորդ սերունդը և միջուկային բժշկությունը: Բացի այդ, կբացվեն մոդելավորման և արդյունաբերական դիզայնի, նախատիպավորման և ադիտիվ տեխնոլոգիաների և այլ կենտրոններ։ Գիտական ծրագիրը կձևավորվի գործընկեր երկրների մասնակցությամբ։
Կենտրոնի հիմք կհանդիսանան Ռոսատոմի տեխնիկական ակադեմիան և ՄԻՖԻ Ազգային հետազոտական միջուկային համալսարանի Օբնինսկի մասնաճյուղը: Այս տարի մասնաճյուղը դարձավ 70 տարեկան։ Չնայած աշխարհաքաղաքականության բարդություններին, այստեղ սովորում է մոտ 500 օտարերկրյա ուսանող։ Ատոմային ոլորտի բոլոր հենակետային համալսարաններն իրենց ներդրումը կունենան «Օբնինսկ Տեխ»-ում:
«Օբնինսկ Տեխ»-ի ենթակառուցվածքը առկա է, սակայն պետք է կառուցվեն հիմնական առանցքային օբյեկտներ՝ կամպուս, լաբորատորիաներ, ցուցահանդեսային տարածքներ և այլն:
«Ռոսատոմի» գլխավոր տնօրեն Ալեքսեյ Լիխաչովը մեծ հույսեր է կապում կենտրոնի հետ. «Օբնինսկ Տեխ»-ի ստեղծումն ու զարգացումը թույլ կտա Ռուսաստանին մինչև 2030 թվականը զբաղեցնել միջուկային և հարակից կրթական համաշխարհային շուկայի առնվազն 20%-ը: Այստեղ կձևավորվի ակտիվ անձնավորություն, գլոբալ և ռազմավարական մտածող, մարդ, ով ոչ միայն գիտելիք ունի ոչ միայն բնական, այլ նաև հումանիտար գիտություններում»,- նշել է Ալեքսեյ Լիխաչովը։
Միջազգային ուշադրություն
«Ուժեղ կրթությունը որպես աշխարհի կայուն զարգացման հիմք» լիագումար նիստում ծրագրին աջակցել է ՄԱԳԱՏԷ-ի գլխավոր տնօրենի տեղակալ Միխայիլ Չուդակովը։ Նրա խոսքով, գլոբալ ատոմային արդյունաբերությունում զբաղված է շուրջ 2,3 մլն մարդ։ Եթե միջուկային էներգետիկան զարգանա այնպես, ինչպես ակնկալում է ՄԱԳԱՏԷ-ն, ապա 2050 թվականին 4 միլիոն մասնագետի կարիք կլինի։ «Մենք հուսով ենք, որ Օբնինսկը մինչ այս պահը կպատրաստի առնվազն մեկ միլիոն միջուկային գիտնական: Մենք աջակցելու ենք ձեր բոլոր ջանքերին»,- վստահեցրեց նա։
«Ատոմային էներգետիկան ապագայի էկոլոգիապես մաքուր էներգաբալանսի անբաժանելի մասն է, ինչպես նաև ապաածխաթթվացման խորհրդանիշ: Կրթությունը՝ առանցքային բաղադրիչ է, որը նպաստում է միջուկային տեխնոլոգիաների կարևորության գիտակցության համար ամուր հիմքի ձևավորմանը», — ասել է Միջուկային համաշխարհային ասոցիացիայի նախագահ Սամա Բիլբաո-ի-Լեոնը:
Կենտրոնի նկատմամբ հետաքրքրություն են ցուցաբերել Բոլիվիայի, Թուրքիայի, Վիետնամի և Բրազիլիայի համապատասխան գերատեսչությունների ղեկավարները։
Ճառագայթելով մաքրությունը
Ֆորումի ընթացքում Օբնինսկում գտնվող Կարպովի անվան ֆիզիկաքիմիական գիտահետազոտական ինստիտուտի (ՖՔԳՀԻ) կից բացվել է բազմաֆունկցիոնալ իոնացնող ճառագայթման մշակման բազմանպատակային կենտրոնը։ Այն մասնագիտանալու է բժշկական արտադրանքի ճառագայթային մանրէազերծման մեջ։ Նախկինում ՖՔԳՀԻ-ում մշակվում էին սննդամթերք, պոլիմերային նյութեր և մալուխային արտադրանք: «Հայրենական ընկերությունները զգալիորեն ավելացրել են բժշկական արտադրանքի արտադրությունը՝ արտասահմանյան մատակարարների հեռանալու ֆոնին։ Ռոսատոմը տեսավ սառը մանրէազերծման շուկայի պահանջարկը և ընդլայնեց մշակման կենտրոնների ցանցը»,- մեկնաբանեց Ալեքսեյ Լիխաչովը։
Սա արդեն յոթերորդ ՄԲԿ-ն է Ռուսաստանում։ Սպասվում է, որ ութերորդը կբացվի տարեվերջին՝ Կազանում։ «Մենք հավակնում ենք ռուսական շուկայի 70%-ին։ Շարժվում ենք նաև արտերկիր՝ կենտրոններ ենք կառուցում Բոլիվիայում, Բանգլադեշում և Ուզբեկստանում, բանակցություններ ենք վարում ևս երեք օտարերկրյա գործընկերների հետ»,- ասաց «Առողջապահության տեխնոլոգիաներ» ստորաբաժանման ղեկավար Իգոր Օբրուբովը։
Թվեր
>600 ուսանողներ, երիտասարդ գիտնականներ և մասնագետներ 70 երկրներից ժամանել են ֆորում
4 օր — >50 իրադարձություն
2 լիագումար և 8 թեմատիկ նիստ
