«Обнинск Тех» атомдық және сабақтас технологиялардың халықаралық ғылыми-білім беру орталығы әлемдегі алғашқы атом электр станциясының отанында құрылатын болады. Ол қыркүйек айының соңында Росатомның қолдауымен өткен Obninsk New халықаралық жастар ядролық форумының басты тақырыбы болды.

Орталық туралы

Тамыз айында орталықтың құрылуын Ресей президенті Владимир Путин Росатомның Бас директорымен кездесуде мақұлдады. «Ол әлемнің түкпір-түкпірінен дарынды жастар үшін жетекші кластер, тартымдылық нүктесі болатынына сенімдімін. Экономика салаларында және мемлекеттік корпорацияларда сұранысқа ие жоғары санатты мамандарды даярлауға көмектеседі. Ресейдің жаңа ғылыми ядролық әзірлемелер саласындағы технологиялық егемендігін қамтамасыз етуге мүмкіндік береді»,-деп атап өтті РФ Премьер-министрі Михаил Мишустин форумға қатысушыларды құттықтау сөзінде.

Орталық 2030 жылға қарай жұмыс істейді деп болжануда. Ол ядролық отын циклінің тұйықталуы, атом энергетикасының төртінші буыны және ядролық медицина сияқты салаларда мамандар даярлайтын болады. Бұдан басқа, жобалау және өнеркәсіптік дизайн, прототиптеу және аддитивті технологиялар орталықтары ашылады және т.б. ғылыми бағдарлама әріптес елдердің қатысуымен қалыптастырылатын болады.

Орталықтың базасы Росатом Техникалық академиясы және МИФИ Ұлттық ядролық зерттеу университетінің Обнинск филиалы болады. Биыл филиалға 70 жыл толды. Геосаясаттың күрделілігіне қарамастан, мұнда 500-ге жуық шетелдік студенттер оқиды. Атом саласының барлық тірек жоғары оқу орындары «Обнинск Тех» – ке өз үлестерін қосады.

«Обнинск Тех» үшін инфрақұрылым бар, бірақ негізгі нысандарды салу керек: кампус, зертханалар, көрме кеңістігі және т. б.

Росатомның бас директоры Алексей Лихачев орталыққа үлкен үміт артады: «Обнинск Техтің» құрылуы мен дамуы Ресейге 2030 жылға қарай ядролық және сабақтас білім берудің әлемдік нарығының кем дегенде 20% –ын алуға мүмкіндік береді. Мұнда белсенді, жаһандық және стратегиялық ойлайтын адам, жаратылыстану ғылымдары бойынша ғана емес, гуманитарлық ғылымдар жағынан да білімді адам қалыптасады», – деп атап өтті Алексей Лихачев.

Халықаралық назар

«Мықты білім әлемнің тұрақты дамуының негізі ретінде» пленарлық сессиясында жобаны ХАТЭАГ бас директорының орынбасары Михаил Чудаков қолдады. Оның айтуынша, әлемдік атом индустриясында шамамен 2,3 млн адам жұмыс істейді. Егер атом энергетикасы ХАТЭАГ күткендей дамитын болса, онда 2050 жылға қарай 4 млн маман қажет болады. «Обнинск осы уақытқа дейін кем дегенде миллион атом өндірушісін дайындайды деп үміттенеміз. Біз сіздің барлық бастамаларыңызды қолдаймыз», – деп сендірді ол.

«Атом энергетикасы болашақтың экологиялық таза энергия балансының ажырамас бөлігі, сонымен қатар декарбонизацияның символы болып табылады. Білім — ядролық технологиялардың маңыздылығын түсінудің берік негізін қалыптастыруға ықпал ететін негізгі компонент»,-деп атап өтті Дүниежүзілік ядролық қауымдастықтың президенті Сама Бильбао-и-Леон.

Орталыққа Боливия, Түркия, Вьетнам және Бразилиядан келген мамандандырылған ведомстволардың басшылары қызығушылық танытты.

Тазалықты сәулелендіру

Обнинскіде орналасқан Карпов атындағы физика-химия ғылыми-зерттеу институтының (ФХҒЗИ) жанындағы форум барысында иондаушы сәулеленуді өңдеудің көп мақсатты орталығы ашылды. Ол медициналық өнімдерді радиациялық зарарсыздандырумен айналысатын болады. Бұрын ФХҒЗИ тамақ өнімдерін, полимерлі материалдарды, кәбіл өнімдерін өңдеген. «Отандық компаниялар шетелдік жеткізушілердің кетуі кезінде медициналық өнімдер шығаруды едәуір арттырды. Росатом нарықтың суық зарарсыздандыру туралы сұранысын көріп, өңдеу орталықтарының желісін кеңейтті», – деп түсіндірді Алексей Лихачев.

Бұл Ресейдегі жетінші ХБО. Сегізіншісі жылдың соңында  Казаньда  ашылады деп болжануда. «Біз Ресей нарығының 70%  үміттеніп отырмыз. Біз сондай – ақ шетелге қарай жылжып барамыз: Боливия, Бангладеш және Өзбекстанда орталықтар салып жатырмыз, тағы үш шетелдік серіктеспен келіссөздер жүргізіп жатырмыз», – деді «Денсаулық технологиялары» дивизионының басшысы Игорь Обрубов.

Цифрлар

>Форумға 70 елден 600 студент, жас ғалымдар мен мамандар келді

4 күн – >50 іс-шара

2 пленарлық және 8 тақырыптық сессиялар