«Rosatom» davlat korporatsiyasi va «O‘zatom» agentligi O‘zbekistonda atom energetikasini rivojlantirishga qaratilgan uchta hujjatni imzoladilar. Tomonlar yuqori quvvatli atom elektr stansiyasi qurilishi loyihasini birgalikda o‘rganish, mahsulotlarni radiatsiyaviy qayta ishlash markazlarini barpo etish, shuningdek, atom sanoatida ayollar yetakchiligini rivojlantirish dasturlarini kengaytirish bo‘yicha kelishuvga erishdilar. Ushbu tashabbuslar ikki davlat o‘rtasidagi strategik hamkorlikni mustahkamlab, O‘zbekiston iqtisodiyotining barqaror taraqqiyotiga xizmat qilmoqda.

«Rosatom» va «O‘zatom» yuqori quvvatli atom elektr stansiyasini qurish loyihasini amalga oshirish imkoniyatlarini o‘rganishmoqda. Tegishli kelishuv Peterburg xalqaro iqtisodiy forumi (PXIF) doirasida «Rosatom» bosh direktori Aleksey Lixachyov va «O‘zatom» direktori Azim Axmedxodjayev tomonidan imzolandi.

Hujjatda VVER-1000 reaktorli ikkita energiya blokini qurish va ularni to‘rttagacha kengaytirish imkoniyati ko‘zda tutilgan. Loyiha Rossiya texnologiyalariga asoslangan bo‘lib, bu texnologiyalar nafaqat Rossiyada, balki Xitoyning «Tyanvan» AES va Hindistonning «Kudankulam» AESlarida ham o‘z samaradorligini allaqachon isbotlagan. Yuqori quvvatli atom elektr stansiyasi «Rosatom» kompaniyasi tomonidan 330 MVt quvvatga ega kichik modular atom elektr stansiyasi qurilayotgan hududda barpo etilishi mumkinligi taxmin qilinmoqda.

«Rosatom» davlat korporatsiyasi atom energetikasini rivojlantirish sohasida O‘zbekistonning strategik hamkori bo‘lishdan mamnuniyat bildiradi. Bugun biz hamkorligimiz ko‘lamini kengaytirmoqdamiz: Jizzax viloyatida kichik quvvatli atom stansiyasi qurilishini davom ettirar ekanmiz, VVER-1000 reaktorli AES loyihasini amalga oshirish yo‘lida muhim qadam qo‘ymoqdamiz. Kichik va katta quvvatli atom stansiyalarini birlashtirish O‘zbekistonda kuchli karbonsiz energiya klasterini shakllantirish va mamlakatning elektr energiyasiga bo‘lgan o‘sib borayotgan ehtiyojlarini qondirish imkonini beradi, shuningdek, mamlakatda sanoat va innovatsion sohalarni rivojlantirish uchun asos bo‘ladi,» – dedi Aleksey Lixachyov. U, shuningdek, «Rosatom» ASMM qurilishida faol ilgarilab borayotganini va birinchi blok uchun reaktor uskunalarini ishlab chiqarishni allaqachon boshlaganini ta’kidladi.

Mahsulotlarni radiatsion qayta ishlash

«Rosatom» va «O‘zatom» agentligi mahsulotlarni radiatsion qayta ishlash sohasida hamkorlik to‘g‘risida memorandum imzoladi. Memorandum doirasida O‘zbekistonda ko‘p tarmoqli ionlashtiruvchi qayta ishlash markazlari tashkil etilishi rejalashtirilmoqda.

Ionlashtiruvchi ishlov berish tibbiy buyumlarni tez va samarali sterillashtirishga imkon beradi va yuqori darajadagi sterillikni ta’minlay oladigan yagona usul hisoblanadi. Bunday ishlov berish, shuningdek, oziq-ovqat mahsulotlarining saqlash muddatini uzaytirish, ularni hasharotlardan tozalash va zararsizlantirish, kasallik qo‘zg‘atuvchi mikroorganizmlarni yo‘q qilish imkonini beradi. Bunda u inson salomatligi uchun xavfsiz bo‘lib qoladi.

«Biz O‘zbekistonda ionlashtiruvchi ishlov berish bozorining katta salohiyatini ko‘ryapmiz va hamkorimiz – «O‘zatom» bilan birgalikda oziq-ovqat xavfsizligi va aholi salomatligini ta’minlash, shuningdek, O‘zbekistonning eksport imkoniyatlarini yanada rivojlantirish uchun radiatsiya texnologiyalaridan keng foydalanishni qo‘llab-quvvatlashga tayyormiz,» – dedi «Rosatom»ning radiatsiyaviy ishlov berish sohasidagi loyihalarni amalga oshirish uchun mas’ul bo‘lgan boshqaruv tizimidagi kompaniya bosh direktori Artur Kolontayev.

«Rosatom» bilan imzolangan memorandum O‘zbekistonning iqtisodiyotimizning asosiy sohalariga innovatsion texnologiyalarni joriy etishga bo‘lgan intilishini aks ettiradi. Ko‘p funksiyali ionlashtiruvchi ishlov berish markazlarini rivojlantirish tibbiyot va qishloq xo‘jaligi sohalarini modernizatsiya qilishda, yuqori darajadagi sterilizatsiyani ta’minlashda, mahsulotlarning saqlash muddatini uzaytirishda va oziq-ovqat xavfsizligini mustahkamlashda muhim qadam bo‘ladi. Ushbu hamkorlik bizga nafaqat mahalliy mahsulotlar sifatini oshirish, balki eksport salohiyatini sezilarli darajada kengaytirish imkonini beradi, shu bilan birga mamlakatning barqaror rivojlanishi uchun yangi imkoniyatlar yaratadi,» – deya ta’kidladi «O‘zatom» agentligi direktori Azim Axmedxo‘jayev.

Atom sohasidagi ayollarni qo‘llab-quvvatlash

«O‘zatom» agentligi hududida «Rosatom» va «O‘zatom» ayollar hamjamiyatlarining uchrashuvi o‘tkazildi. Uchrashuv doirasida «Rosatom» bosh direktorining kadrlar bo‘yicha o‘rinbosari Tatyana Terenteva hamda «O‘zatom» agentligi direktori Azim Axmedxodjayev ayol mutaxassislarni qo‘llab-quvvatlash va rivojlantirish sohasida 2025-yilga mo‘ljallangan hamkorlik yo‘l xaritasini imzoladilar. Ushbu hujjat ikki mamlakat atom sohasi ayollari o‘rtasidagi ko‘p yillik va samarali hamkorlikning mantiqiy davomi bo‘ldi. Unga qo‘shma seminarlar, MIFI MTYaU Toshkent filiali negizida mentorlik sessiyalari, telekonferensiyalar va tajriba almashishga qaratilgan boshqa tadbirlar kiritilgan. Uchrashuv ishtirokchilari atom sohasida ayollar yetakchiligini kengaytirish masalalariga alohida e’tibor qaratdilar.